لو كنت بتحبها لازم تكون قدها

ازيكم
مش عارف ابتدي منين
!!!!!!!!!!!

بصراحة حاجه تحير
عارف لما يكون جواك حاجه ومش قادر تفكر غير فيها وتفضل تفكر وتفكر
نفسك تحكي
لاي حد
وياسلام لو حد انت واثق انه حيفهمك
بس هو فين اللي حيفهمك
بتدور علي حد ترتاحله مبتلاقيش
بتقعد تكلم نفسك
وتفضل تكلم نفسك
وبرده مش قادر تبطل تفكير
ولسه مرتحتش

وعلشان انتوا كلكوا معايا وحواليا وجوايا
وعلشان انا واثق انكوا حتفهموني
انا ححكيلكم
بس مش عارف ابتدي منين
ولا حتي حقول ايه
حقول انا تعبان
ولا انا زهقان
او اقول انا محتار
مش عارف

بس تعرفوا انا مش حقولكوا
انا بس حتكلم معاكوا واسيبكم من بعدي تتكلموا

عارفين في الاول يعني ايه كلمة بحبك ؟
اكيد عارفين
كلمة بحبك يعني انت انا .. انا مقدرش اعيش من غيرك .. انت املي .. انا بتعب علشان انت متتعبش .. يعني انا عايش علشان ارسم الضحكة علي شفايفك
واشيل الدمعه قبل ما تنزل من عيونك
كلمة بحبك معناها حاجات كتير

طيب قبل ما تقولها هل انت عارف انك قدها ؟؟
مش عاوز مقاوحة ومناهده وركز في السؤال مرة كمان

انت قدها

رد عليا بصوت عالي
قولي لاء

اتكلم بصراحة متخافش

مفيش حد فينا قدها

المسألة مش متعلقة بقدرة بدنيه او عقلية بأي شكل من الاشكال
المشكله كلها اننا بتاخدنا نشوة الحب وبنتسرع ونعترف بحبنا
المشكله الاكبر لما اللي قدامك يكون بيحبك هو كمان

طبعا مش محتاجين اوصفلكم او اعرفكم الفرحة ازاي بتبقي في قلوبنا
وازاي بنرسم في خيالنا حياة وردية

تعالي بقي بعد يوم .. اتنين ... وتلاته

انت بتعمل ايه للحب ده ؟

ولا حاجه
اوعي تفتكر ان كلمتين حلوين وهدية في الفلانتين وعيد ميلادها كفاية
ولا تفتكر انك لما تفضل تسمعها كلام حب برده كفاية او بتسمع كلامه برده كفاية
ده طبعا اذا كنت انت اصلا بتعمل كده وده اضعف الايمان لان في ناس مبتعملش كده حتي

مع ان ده اقل حق لحبيبك عليك
بس ده لوحده مش كفايه
ولا يمثل شيء
رغم انه مطلوب

هل فكرت انت سببت كام مشكله لحبيبك
كام مره نام ودمعته علي خده من حاجه انت عملتها وانت مش واخد بالك
او حتي وانت قاصد
كام مره قلق عليك وانت داير علي حل شعرك

طب بلاش كده
فكرت ايه نهاية الحب ده ؟
طب حتعمل ايه علشان تحافظ عليه زي ما بدأ

طيب بلاش لا ده ولا ده
هل انت متأكد انك الشخص اللي يقدر يسعده
وبلاش كلام شعارات
هل انت قادر نفسيا علي اسعاده

ولا

حيتبهدل معاك ؟

كل ده كان بيدور في ذهني ومحيرني ومخليني اسأل سؤال واحد

انت حبيت و اتحبيت !!!!!!!

بس لو حسيت انك مش قدها ... تعمل ايه ؟؟؟؟

زائر

موضوع جميل اووووووووووى
وزى مانت قولت كلمه بحبك ليها معانى كتير
واللى يقولها لازم يكون قدها
واللى مش قدها يفكر الاول علشان مايظلمش الطرف التانى
واللى قالها وطلع مش قدها يلحق نفسه بسرعه ويأخد قرار
بس ماعتقدش ان فى حد بيقولها وهو مش قدها الا لو الشخصيه دى بتتسلى

:):::

تسلمى على مرورك يا قمر
ومشكورة على الكلمات الرقيقة دية
تحياتى لكى

» لغة العيون تكون أجمل عندما يعتمدها العشاق ....؟